Ispaniya terma jamoasi yarim himoyachisi Mikel Merino Belgiya darvozasiga kiritgan g‘alaba golidan so‘ng o‘z fikrlari bilan o‘rtoqlashdi.

Jahon chempionati – 2026 chorak final uchrashuvi ispaniyaliklarning 2:1 hisobidagi g‘alabasi bilan yakunlandi. Merino ketma-ket ikkinchi o‘yinda zaxiradan maydonga tushdi va o‘yin oxirida hal qiluvchi golni urdi.

«O‘zim ham bunga ishona olmayapman. Birinchi martasidan keyin bu holat boshqa takrorlanmasa kerak deb o‘ylagandim, lekin bu yana sodir bo‘ldi. Omadga ishonaman, ammo bu shunchaki omad deb o‘ylamayman. Gap shundaki, maydonga tushganingda doimo oxirigacha o‘ynashing kerak. Shuning uchun, so‘nggi daqiqalardagi gollarimdan ajablanmang, chunki men har doim diqqat-e’tiborimni jamlagan bo‘laman», — dedi Merino o‘yindan so‘ng jurnalistlarga.

Merino joriy turnirdagi barcha oltita o‘yinda ishtirok etdi va ikkita gol urdi.

Yarim finalda Ispaniya terma jamoasi Fransiya bilan to‘qnash keladi. Uchrashuv 14-iyul kuniga belgilangan.