Англия терма жамоаси ҳужумчиси Харри Кейн Жаҳон чемпионати — 2026 чорак финалидан ўрин олган Норвегияга қарши бўлажак ўйин ҳақида фикр билдирди.
Кейн инглизлар ўз кучига ишонадиган ва жуда юқори мотивацияга эга бўлган жамоага қарши баҳс олиб боришини таъкидлади.
«Норвегия тўп билан ҳам, тўпсиз ҳам жуда яхши ўйнайди. Бизнинг вазифамиз — уларнинг заиф томонларини топишга ҳаракат қилиш. Эртага биз ўз ўйинимизни намойиш этиб, устунликни қўлга олмоқчимиз», — деди Кейн матбуот анжуманида.
Бундан олдин Англия терма жамоаси турнирдан Мексикани (3:2) чиқариб юборган эди, норвегияликлар эса кутилмаганда Бразилияни (2:1) мағлуб этишди.
Англия ва Норвегия ўртасидаги 1/4 финал учрашуви 12 июлга белгиланган. Ўйин Тошкент вақти билан соат 02:00 да бошланади.
