Аргентина терма жамоасининг 39 ёшли ҳужумчиси Лионель Месси ЖЧ-2026 чорак финали доирасидаги Швейцарияга қарши ўйинда Хулиан Альварес томонидан киритилган гол ҳақида ўз фикрини билдирди.
«Хулиан ажойиб зарбага эга, у буни «Атлетико»даги ўйинларида ҳам исботлаб келган. У ақл бовар қилмас гол урди. Ўтган мавсумда ҳам Альварес шунга ўхшаш голларни кўп киритган эди. Хулиан ва Лаутаронинг голларидан, шунингдек, якуний натижадан жуда мамнунман. Уларнинг иккаласи ҳам гол ура олгани жуда яхши бўлди», — деди Месси ўйиндан кейинги интервьюсида.
Эслатиб ўтамиз, ушбу учрашув қўшимча бўлимларда «альбиселесте»нинг 3:1 ҳисобидаги ғалабаси билан якунланди. Лионель Скалони шогирдлари ярим финал йўлланмаси учун Англия терма жамоасига қарши баҳс олиб боришади.
