Бир вақтлар Англия терма жамоаси сафида марказий ҳимоячи сифатида тўп сурган Рио Фердинанд инглизлар ЖЧ-2026 ғолиби бўлишга қодирлигига ишонади.
Собиқ футболчининг сўзларига кўра, Томас Тухель бошқарувидаги жамоа ўз рақиблари олдида муҳим устунликка эга.
«Вазият қийинлашганда ва бирор нарса режадагидек кетмаганда, Англия ечим топишни билади. Бу худди пазл йиғишга ўхшайди — биз керакли вақтда керакли бўлакни топишга қодирлигимизни кўрсатяпмиз», — деди эксперт ўз YouTube каналида.
Чорак финалда Норвегия терма жамоаси устидан қозонилган ғалабадан сўнг, Англия терма жамоаси Аргентинага қарши майдонга тушади. Ярим финал учрашуви чоршанба куни, 15 июль куни бўлиб ўтади.
