«Барселона» президенти Жоан Лапорта Рафиньянинг жароҳатлар билан боғлиқ муаммолари ҳақида фикр билдирди.
Сўнгги вақтларда бразилиялик футболчи тез-тез сафдан чиқмоқда, шу сабабли у оптимал спорт формасига кира олмаяпти.
«Афсуски, ўтган мавсум охирида Ла Лига, Чемпионлар лигаси ва Испания Кубогидаги муҳим паллада Рафинья ўз имкониятларининг чўққисини кўрсата олмади. Агар у бу муаммолардан қочиб қутулганида, натижаларимиз бутунлай бошқача бўларди, деб ҳисоблайман», — дея Лапортанинг сўзларини келтиради испаниялик ОАВ.
Эслатиб ўтамиз, «кўк-анорранглилар» Ла Лигада чемпионликни қўлга киритишган бўлса, Чемпионлар лигаси ва Испания Кубогида мос равишда чорак ва ярим финалгача етиб боришди. Ҳар икки турнирда ҳам жамоа «Атлетико» томонидан мусобақадан чиқариб юборилган эди.
