«Аталанта» ярим ҳимоячиси Эдерсон ҳамон «Манчестер Юнайтед»да пайдо бўлиши мумкин.
«Қизил иблислар» аллақачон Италия клуби ва футболчининг ўзи билан келишувга эришган эди, бироқ тиббий кўрик жараёнида ўйинчининг тиззасида муаммолар аниқлангач, ўтиш жараёни тўхтаб қолди. Вазият жиддий тус олган бўлса-да, трансфер ҳали бутунлай барбод бўлмаган: журналист Тайрон Маршаллнинг хабар беришича, «МЮ» ҳамон Эдерсонни харид қилиш имкониятини кўриб чиқмоқда. Инглиз гранди раҳбарияти трансферни бошқа шартлар асосида расмийлаштиришга уриниб кўриш учун «Аталанта» билан янги музокаралар ўтказади.
Аввалроқ, 27 ёшли футболчи манкунианликларга тахминан 45 миллион еврога тушиши хабар қилинган эди.
