«Барселона» ва Испания терма жамоаси марказий ҳимоячиси Пау Кубарси тез орада амалга ошиши мумкин бўлган орзуси ҳақида сўзлаб берди.
«Қизил фурия» жаҳон чемпионати ярим финалига йўл олди ва у ерда Франция билан тўқнаш келади. Учрашув 14 июль куни бўлиб ўтади.
«Мен болалигимдан ўзимни Жаҳон кубоги билан тасаввур қилардим. Сен аллақачон шу ерда бўлганингда ва мақсад тобора яқинлашганда, совринни бошинг узра кўтариш истаги янада кучаяди, сен бу онни тез-тез кўз олдингга келтирасан», — дея 19 ёшли футболчининг сўзларини келтиради Barca Universal.
Иккинчи ярим финалда Аргентина ва Англия терма жамоалари куч синашади — уларнинг баҳси 15 июль куни бўлиб ўтади. Мундиал финали эса 19 июль куни ўйналади.
