Испания терма жамоаси Жаҳон чемпионати-2026 ярим финалида Францияни мағлуб этди — 2:0.

Ўйин Арлингтон (Техас штати, АҚШ)даги "AT&T" стадионида бўлиб ўтди.

Учрашувнинг 22-дақиқасида Микель Оярсабаль пенальтини аниқ амалга ошириб, ҳисобни очди. Иккинчи бўлимда эса Педро Порро испанияликларнинг устунлигини икки баробарга оширди.

Испания терма жамоаси 2010 йилги зафарли мундиалдан бери илк бор турнир финалига чиқди. Франция терма жамоаси эса 2014 йилдан буён илк бор Жаҳон чемпионати финалида иштирок этмайди.

ЖЧ-2026 финалига иккинчи йўлланма учун Англия ва Аргентина терма жамоалари кураш олиб боришади. Учрашув 15 июль куни Атлантадаги "Мерседес-Бенц" стадионида бўлиб ўтади. Ўйин Тошкент вақти билан соат 23:59 да бошланади.