Францияни 2:0 ҳисобида мағлуб этган Испания терма жамоаси Жаҳон чемпионати финалига йўл олди. Луис де ла Фуэнте шогирдлари бош соврин учун кечадиган ҳал қилувчи баҳсда Англия — Аргентина жуфтлиги ғолиби билан тўқнаш келади.
Таъкидлаш жоизки, Испания терма жамоаси мундиал финалида ўз тарихида иккинчи марта майдонга тушади. Бундан аввалги ҳолат 16 йил олдин — 2010 йилда кузатилганди. Ўшанда "Қизил фурия" 120 дақиқалик ўйин якунида Нидерландияни 1:0 ҳисобида мағлуб этиб, жаҳон кубогини қўлга киритган эди.
Испания терма жамоаси ўз рақиби номини бир суткадан сўнг билиб олади. Англия ва Аргентина терма жамоалари ўртасидаги ярим финал учрашуви 15 июль куни Тошкент вақти билан соат 00:00 да бошланади.
