Fransiyani 2:0 hisobida mag‘lub etgan Ispaniya terma jamoasi Jahon chempionati finaliga yo‘l oldi. Luis de la Fuente shogirdlari bosh sovrin uchun kechadigan hal qiluvchi bahsda Angliya — Argentina juftligi g‘olibi bilan to‘qnash keladi.
Ta’kidlash joizki, Ispaniya terma jamoasi mundial finalida o‘z tarixida ikkinchi marta maydonga tushadi. Bundan avvalgi holat 16 yil oldin — 2010 yilda kuzatilgandi. O‘shanda "Qizil furiya" 120 daqiqalik o‘yin yakunida Niderlandiyani 1:0 hisobida mag‘lub etib, jahon kubogini qo‘lga kiritgan edi.
Ispaniya terma jamoasi o‘z raqibi nomini bir sutkadan so‘ng bilib oladi. Angliya va Argentina terma jamoalari o‘rtasidagi yarim final uchrashuvi 15 iyul kuni Toshkent vaqti bilan soat 00:00 da boshlanadi.
