Лондоннинг «Арсенал» клуби швециялик ҳужумчи Виктор Дьёкерешни «Атлетико» форварди Хулиан Альварес учун бўлажак келишувга қўшиш имкониятини кўриб чиқмоқда. Бу маълумотни talkSPORT нашри эълон қилди.

Манба хабарига кўра, бу ғоя клублар ўртасидаги дастлабки музокаралар чоғида муҳокама қилинган. Таъкидланишича, «матрасчилар»га Дьёкереш жуда ёқади, аммо «Арсенал»да уни қўйиб юборишга тайёрми ёки йўқми, ҳозирча ҳал қилинмаган.

«Канонирлар» Дьёкерешни ўтган ёз «Спортинг»дан 67 миллион евро эвазига сотиб олган эди. У жамоа сафида барча турнирларда 55 та ўйинда иштирок этиб, 21 та гол урди ва 3 та ассист қайд этди.

Альварес эса ўтган мавсумда 49 та ўйинда майдонга тушиб, 20 та гол урди ва 9 та голли узатмани амалга оширди.