Londonning «Arsenal» klubi shvesiyalik hujumchi Viktor Dyokereshni «Atletiko» forvardi Xulian Alvares uchun bo‘lajak kelishuvga qo‘shish imkoniyatini ko‘rib chiqmoqda. Bu ma’lumotni talkSPORT nashri e’lon qildi.
Manba xabariga ko‘ra, bu g‘oya klublar o‘rtasidagi dastlabki muzokaralar chog‘ida muhokama qilingan. Ta’kidlanishicha, «matraschilar»ga Dyokeresh juda yoqadi, ammo «Arsenal»da uni qo‘yib yuborishga tayyormi yoki yo‘qmi, hozircha hal qilinmagan.
«Kanonirlar» Dyokereshni o‘tgan yoz «Sporting»dan 67 million yevro evaziga sotib olgan edi. U jamoa safida barcha turnirlarda 55 ta o‘yinda ishtirok etib, 21 ta gol urdi va 3 ta assist qayd etdi.
Alvares esa o‘tgan mavsumda 49 ta o‘yinda maydonga tushib, 20 ta gol urdi va 9 ta golli uzatmani amalga oshirdi.
