Яқинда «Наполи» бош мураббийлигидан кетган Антонио Конте Аргентина терма жамоасининг 2026 йилги Жаҳон чемпионатидаги ўйини ҳақида ўз фикрлари билан ўртоқлашди.

«Аргентина — кучли жамоа, у турнирда иштирок этаётган барча терма жамоалар орасида энг юксак иштиёққа эга. Бу жуда аҳил жамоа: бош мураббий Мессига содиқ, терма жамоа либоси ва Леога бўлган муҳаббатини шахсий амбицияларидан устун қўядиган ўйинчиларга таяниб иш кўрди», — дея Контенинг сўзларини келтиради La Gazzetta dello Sport.

Бугун, 15 июль куни Аргентина терма жамоаси Жаҳон чемпионати ярим финали доирасида Англияга қарши майдонга тушади. Учрашув Тошкент вақти билан соат 00:00 да бошланади.

Эслатиб ўтамиз, финалчилардан бири аллақачон маълум бўлган. Сешанба куни ярим финалда Испания терма жамоаси Францияни мағлуб этди (2:0).