«Майнц» ярим ҳимоячиси Каису Сано фаолиятини Англия Премьер-лигасида давом эттириши мумкин.
Bild нашри маълумотларига кўра, «Ливерпуль» 25 ёшли футболчини ўз сафига қўшиб олишга қизиқмоқда. «Қизиллар» таянч ярим ҳимоячиси учун 60 миллион евро таклиф қилишга тайёр. Санонинг трансфер қиймати Жаҳон чемпионатидаги муваффақиятли иштирокидан сўнг анча ошди. «Майнц» ўз ўйинчисини қўйиб юборишга тайёр бўлиши кутилмоқда.
Каису Сано 2024 йилда «Кашима Антлерс»дан 2,5 миллион евро эвазига «Майнц»га ўтган эди. Унинг Германия клуби билан тузган шартномаси 2028 йилнинг 30 июнига қадар мўлжалланган. 2025/26 йилги мавсумда ярим ҳимоячи барча турнирларда 48 та ўйинда майдонга тушиб, 2 та гол урди ва 5 та голли узатмани амалга оширди.
