«Манчестер Юнайтед» ва Англия терма жамоасининг собиқ футболчиси Рио Фердинанд «уч шерлар»нинг (Англия терма жамоаси) Жаҳон чемпионати ярим финалида Аргентинага қарши кечган баҳсдаги 1:2 ҳисобидаги мағлубиятини изоҳлади.
«Англия терма жамоаси ҳақида гапиришни бошлашдан аввал, Аргентинага муносиб баҳо беришимиз кераклигини айтишим керак. Аргентина — жуда кучли жамоа. Улар сафида сеҳргардек Месси бор. Улар — футбол ўйнаб, қандай қилиб ғалаба қозонишни биладиган тажрибали жамоа. Мен уларга ва уларнинг ақлбовар қилмас даражадаги мухлисларига катта ҳурмат билдиришим керак. Улар ўйин давомида ажойиб ҳаракат қилишди», — деди Фердинанд ўз подкастида.
Эслатиб ўтамиз, Жаҳон чемпионати финалида Аргентина терма жамоаси Испания билан тўқнаш келади. Англия эса учинчи ўрин учун кечадиган баҳсда Францияга қарши майдонга тушади.
