Хонанда Шакира Лионель Месси ўз куч ва илҳомини рафиқаси Антонелладан олаётганини таъкидлади. Унинг фикрича, футболчи ажойиб ўйин даражасини намойиш этмоқда.
Шакира Аргентина терма жамоаси етакчиси кўрсатаётган футболни «ақл бовар қилмас» деб атади ва уни севимли ишига садоқат ҳамда интизом намунаси сифатида таърифлади.
«Мен шуни биламанки, Антонелла каби аёлнинг ёнида бўлиши унга куч ва илҳом бағишлайди, шу сабабли у буни қайта-қайта исботламоқда!» — деб ёзди ижрочи ўз ижтимоий тармоқларида.
Месси бошчилигидаги Аргентина кетма-кет иккинчи марта Жаҳон чемпионати финалига чиқди ва у ерда Испанияга қарши баҳсда ўз унвонини ҳимоя қилишга ҳаракат қилади.
Шакира финал учрашувининг танаффус қисмида ўтказиладиган шоуда иштирок этади.
