Англия терма жамоаси бош мураббийи Томас Тухель 2026 йилги Жаҳон чемпионати доирасида Францияга қарши бўлиб ўтадиган учинчи ўрин учун баҳс ҳақида ўз фикрларини билдирди. Аввалроқ инглизлар ярим финалда Аргентинага 1:2 ҳисобида имкониятни бой бериб, финалга чиқа олмаган эдилар.
«На бизнинг, на француз ўйинчиларининг бу ўйинда майдонга тушгиси келади. Биз финалда ўйнамоқчи эдик. Бунинг учун қўлимиздан келганини қилдик. Барча Жаҳон чемпионатини ютиш учун ўйнайди, учинчи ўрин учун эмас. Францияга нисбатан тикланиш учун бир кун камроқ вақтимиз бор, аммо биз тайёргарликка профессионал тарзда ёндашамиз», — дея Тухелнинг сўзларини келтиради The Touchline.
Франция ва Англия терма жамоалари ўртасидаги учинчи ўрин учун баҳс 19 июль куни бўлиб ўтади. Учрашув Тошкент вақти билан соат 02:00 да бошланади.
