Angliya terma jamoasi bosh murabbiyi Tomas Tuxel 2026 yilgi Jahon chempionati doirasida Fransiyaga qarshi bo‘lib o‘tadigan uchinchi o‘rin uchun bahs haqida o‘z fikrlarini bildirdi. Avvalroq inglizlar yarim finalda Argentinaga 1:2 hisobida imkoniyatni boy berib, finalga chiqa olmagan edilar.
«Na bizning, na fransuz o‘yinchilarining bu o‘yinda maydonga tushgisi keladi. Biz finalda o‘ynamoqchi edik. Buning uchun qo‘limizdan kelganini qildik. Barcha Jahon chempionatini yutish uchun o‘ynaydi, uchinchi o‘rin uchun emas. Fransiyaga nisbatan tiklanish uchun bir kun kamroq vaqtimiz bor, ammo biz tayyorgarlikka professional tarzda yondashamiz», — deya Tuxelning so‘zlarini keltiradi The Touchline.
Fransiya va Angliya terma jamoalari o‘rtasidagi uchinchi o‘rin uchun bahs 19 iyul kuni bo‘lib o‘tadi. Uchrashuv Toshkent vaqti bilan soat 02:00 da boshlanadi.
