«Барселона» ва Испания терма жамоасининг собиқ футболчиси Нолито Аргентина миллий терма жамоаси ҳужумчиси Лионель Мессини қандай қилиб тўхтатиш мумкинлиги ҳақида ҳазиллашди. Бугун «Қизил фурия» Жаҳон чемпионати — 2026 финалида «альбиселесте» билан куч синашади. Ўйин «Метлайф» стадионида (Ист-Ратерфорд, АҚШ) бўлиб ўтади. Учрашувда словениялик Славко Винчич бош ҳакамлик қилади.
«Ҳар қандай ҳурматни сақлаган ҳолда айтаман, уни умуман қандай тўхтатиш мумкин? Фақатгина таъсири бир неча соат давом этадиган иккита ухлатувчи ўқ (дротик) билан. Бири чап оёғига, иккинчиси ўнг оёғига. Бу ягона чора. Мессини тўхтатиш жуда қийин. Бунинг деярли иложи йўқ, чунки унда кучли жиҳатлар жуда кўп.
Тўғрисини айтсам, Мессининг ўйинини томоша қилиш барча томошабинлар учун ҳақиқий завқдир ва биз бундан имкон борича баҳраманд бўлишимиз керак. Умид қиламанки, у ҳали узоқ вақт ўйнайди», — дея Нолитонинг сўзларини Tribal Football келтирмоқда.
