Аргентина терма жамоаси ЖЧ-2026 финалида Испанияга минимал ҳисобда мағлуб бўлди (0:1) ва чемпионликни бой берди. Бу Лионель Скалони шогирдлари учун 2022 йилги жаҳон чемпионатининг 1-турида Саудия Арабистонидан учралган мағлубиятдан (1:2) кейин мундиаллардаги асосий вақтдаги илк мағлубияти бўлди.

Шунингдек, сўнгги иккита турнир давомида аргентиналиклар плей-офф босқичларининг 90 дақиқалик асосий вақтида ўйинларнинг ярмидан камроғида ғалаба қозонишган.

Жамоа қўшимча бўлимлар ва пенальтилар сериясисиз бор-йўғи 4 та ўйинда зафар қучган: жорий мундиалнинг плей-офф босқичида Миср (3:0) ва Англия (2:1), шунингдек, 2022 йилги чемпионатда Австралия (2:1) ва Хорватия (3:0) таслим этилган.

Эслатиб ўтамиз, 2022 йилда аргентиналиклар Нидерландияни (1/4 финал) ва Францияни (финал) пенальтилар сериясига кўра мағлуб этган бўлсалар, жорий турнирда Лионель Скалони жамоаси Кабо-Верде устидан 111-дақиқадаги автогол эвазига 3:2 ҳисобида ғалаба қозонган эди. Шунингдек, чорак финалда Швейцария билан баҳсда ҳам аргентиналиклар 112 ва 121-дақиқаларда гол уриб, кейинги босқичга ўтишганди.