«Астон Вилла»нинг собиқ футболчиси Габриэль Агбонлахор «шерлар» вингери Морган Рожерснинг «Челси»га эҳтимолий ўтиши ҳақида ўз фикрини билдирди.

«Бу «Челси» учун ажойиб харид бўлади. Мен бу йигитни ва унинг майдонда қилаётган ишларини жуда яхши кўраман. У ураётган голларга эътибор беринг. У бундан ҳам кўпроқ гол уриши мумкин эдими? Ҳа, лекин унинг статистикасини унутинг. Бу футболчи ҳар қандай босим остида ҳам тўпни қабул қила олади, унинг шиддатли ёриб кириши эса ҳар қандай ҳимояни ёриб ўта оладиган кучдир», — деди Агбонлахор talkSPORT’га берган интервьюсида.

2025/26 йилги мавсумда Морган Рожерс «Астон Вилла» сафида барча турнирларда 55 та ўйин ўтказиб, уларда 14 та гол урди ва 12 та голли узатмани амалга оширди. Унинг шартномаси 2031 йилнинг 30 июнигача мўлжалланган.