"Манчестер Юнайтед"нинг собиқ мураббийи сэр Алекс Фергюсон Кевин Киган ҳақидаги хотиралари билан ўртоқлашди. Англия футболи афсонаси 75 ёшида вафот этди.
Фергюсон Киганнинг "Ньюкасл" ривожига қўшган ҳиссасини таъкидлади. Киган 1992 йилдан 1997 йилгача "қарғалар"га мураббийлик қилган. Клуб 1995-96 йилги мавсумда "Манчестер Юнайтед"дан тўрт очко ортда қолиб, иккинчи ўринни эгаллаганди.
"Мавсум тугаганидан бир неча ҳафта ўтгач, мен гольф ўйнаб, пабга кирдим ва Кевин кириб келди. У бутун оқшом пианино чалди", деб Фергюсоннинг сўзларидан иқтибос келтирмоқда Chronicle Live нашри келтирди.
"Мен унга ҳар доим жуда ҳурмат билан қараганман. У клубга янги ҳаёт бағишлади ва ажойиб жамоани шакллантирди. Бу ҳиссиёт, иштиёқ ва ажойиб футбол даври эди."
Киган икки марта "Олтин тўп"ни қўлга киритди ва "Ньюкасл" тарихидаги ҳам футболчи, ҳам мураббий сифатида энг машҳур шахслардан бирига айланди. Киган шунингдек, "Ливерпуль" ва "Гамбург" жамоаларида ҳам ўйнаган ва улар билан бир қатор совринларни қўлга киритган.
