Англиялик собиқ ҳужумчи Габриэль Агбонлахор «ПСЖ»нинг грузиялик вингери Хвича Кварацхелиянинг 2026 йилда «Олтин тўп»ни қўлга киритиш имкониятларини юқори баҳолади.

«Мен бу мукофотни Хвичага берган бўлардим. Ҳа, у Жаҳон чемпионатида ўйнагани йўқ. Аммо шунчаки шу сабабдан унга мукофот берилмайдими? Ўтган бутун мавсум давомида Кварацхелия Париж жамоасида энг яхшиси бўлди. У ўзини Кейн ва Ямалдан кўра яхшироқ кўрсатди. Овозимни Хвичага бераман», — деди Габриэль Talksport нашрига берган интервьюсида.

Ўтган мавсумда Кварацхелия Париж гранди таркибида 48 та ўйинда майдонга тушди. Грузиялик ярим ҳимоячи ўз ҳисобига 19 та гол ва 11 та голли узатмани ёзиб қўйди.