Испаниялик журналист Пепе Альварес «Манчестер Сити» ярим ҳимоячиси Родрининг Мадриднинг «Реал» клубига ўтиш эҳтимолини 90 фоизга баҳолади. Аввалроқ Альварес агар хавбек испан клубига ўтадиган бўлса, 2030 йилгача мўлжалланган шартномага имзо чекиши ҳақида хабар берган эди.

Ўтган мавсумда Родри барча мусобақаларда 33 та ўйинда майдонга тушиб, 2 та гол урди. Футболчининг клуб билан амалдаги меҳнат шартномаси 2027 йилнинг ёзигача мўлжалланган. Нуфузли Transfermarkt интернет-порталида келтирилган маълумотларга кўра, футболчининг бозор қиймати 50 миллион еврони ташкил этади.

Шунингдек, шу ёзда Родри Испания терма жамоаси таркибида ЖЧ-2026 ғолибига айланди.