Франциялик ярим ҳимоячи Аладжи Бамба Англиянинг «Ньюкасл Юнайтед» клуби футболчисига айланди. Бу ҳақда клубнинг расмий сайти хабар берди.
«Ньюкасл Юнайтед» «Монако»дан ёш франциялик ярим ҳимоячи Аладжи Бамба билан номаълум сумма эвазига шартнома имзоланганини эълон қилишдан мамнун. Франция U20 ёшлар терма жамоаси аъзоси ва Golden Boy мукофоти номзоди бўлган 20 ёшли футболчи «Сент-Джеймс Парк»да беш йиллик шартномага имзо чекди.
Аладжи яқинда жамоага келиб қўшилган Эвен Жауэн, Базумана Туре ва Шон Стёрдан кейин клубнинг бу ёздаги тўртинчи хариди бўлди. У саккизинчи рақамли либосда тўп суради», — дейилади клуб хабарида.
