«Барселона» ва Нидерландия миллий терма жамоаси ярим ҳимоячиси Френки де Йонг тиззасининг ички ён боғлами узилгани сабабли, агар операцияга рози бўлса, 5–6 ой майдондан четда қолиши мумкин. Бу ҳақда журналист Решад Раҳман X ижтимоий тармоғида хабар берди.

Манбага кўра, айни пайтда «Барселона» клубида операция варианти кўриб чиқилмаяпти. Де Йонг янги даволаниш курсини ўтамоқда ва шу туфайли у бир неча ой эмас, балки бир неча ҳафтага сафдан чиқиши мумкин.

Футболчи ушбу жароҳатни 2026 йилги жаҳон чемпионати давомида олган.

Ўтган мавсумда де Йонг барча мусобақаларда 38 та учрашувда иштирок этиб, 1 та гол урди ва 8 та голли узатмани амалга оширди.

Унинг «Барселона» билан амалдаги шартномаси 2029 йил ёзига қадар мўлжалланган. Transfermarkt маълумотига кўра, футболчининг бозор қиймати 35 миллион еврога тенг.