"Ювентус" "Манчестер Юнайтед" ярим ҳимоячиси ва сардори Бруно Фернандешга қизиқиш билдирмоқда. Италия клуби раҳбарияти Лучано Спаллетти жамоасининг техник даражасини яхшилашни истайди, деб хабар беради Sauth Offside.

Манбага кўра, "Ювентус" 31 ёшли футболчининг трансферини ўз вакиллари билан муҳокама қилган. Таъкидланишича, "қизил иблислар" Фернандеш учун 50-75 миллион евро талаб қилиши мумкин, "Ювентус" эса бунча маблағ тўлашга тайёр эмас.

Ярим ҳимоячи 2020 йил январидан бери "манкунианликлар" сафида ўйнаб келмоқда. Ўтган мавсумда Фернандеш барча мусобақаларда 37 та ўйинда майдонга тушиб, тўққизта гол урган ва 22 та голли узатма берган. Футболчининг клуб билан амалдаги шартномаси 2027 йил ёзигача амал қилади.

Transfermarkt порталида тақдим этилган маълумотларга кўра, футболчининг бозор қиймати 35 миллион еврони ташкил этади.