«Рома» «Болонья» ҳужумчиси Сантьяго Кастронинг трансферини амалга оширишни режалаштирмоқда. Журналист Жанлука Ди Марцио ўзининг расмий сайтида хабар беришича, римликларнинг украиналик ҳужумчиси Артём Довбик ушбу келишувнинг бир қисмига айланиши мумкин.
Манбанинг маълумотига кўра, «Рома» яқин соатлар ичида трансферни расмийлаштиришни режалаштирмоқда. «Болонья» келишувни якунлаш учун ўз шартларини илгари суриб бўлган. Аргентиналик футболчининг ўзи ҳам янги клубга ўтишга қизиқиш билдирмоқда.
Хабар қилинишича, Кастронинг трансферини енгиллаштириш мақсадида Артём Довбик «Болонья»га ижара ҳуқуқи асосида берилиши мумкин. Якуний келишувга эришиш учун яқин соатларда клублар ўртасида музокаралар бўлиб ўтади.
