Аргентиналик ярим ҳимоячи Эсекиэль Барконинг фикрича, Аргентина терма жамоаси сардори Лионель Месси ЖЧ-2026 финалида Испанияга қарши ўйиндан кейин миллий жамоа сафида бошқа майдонга тушмайди.

Барко бу ҳақда «Чемпионат» мухбири Илья Никульниковга берган интервьюсида гапирди.

«Менимча, Испанияга қарши жаҳон чемпионати финали Мессининг терма жамоадаги сўнгги ўйини бўлди. Албатта, барча унинг, эҳтимол, фаолиятини давом эттиришини кутмоқда. Лекин менинг назаримда, у аллақачон етарлича иш қилди. У тарихдаги энг яхши футболчи. Албатта, биз барчамиз жуда хафамиз ва афсусдамиз. Аммо, менимча, бу унинг миллий жамоадаги сўнгги учрашуви бўлди», — деди Барко.

Эслатиб ўтамиз, Аргентина терма жамоаси ЖЧ-2026 финалида Испанияга қўшимча вақтда 0:1 ҳисобида мағлуб бўлган эди.

39 ёшли Лионель Месси ушбу жаҳон чемпионатида 8 та ўйинда иштирок этиб, 8 та гол урди ва 4 та голли узатмани амалга оширди.