Лондоннинг «Челси» клуби айни дамда «Астон Вилла»да фаолият юритаётган стандарт вазиятлар бўйича тажрибали мутахассис Остин Макфи билан мураббийлар штабини кучайтиришга қизиқмоқда. Бу ҳақда BBC нашри хабар бермоқда.
Манба берган маълумотларга кўра, «кўклар» раҳбарияти Бирмингем клуби билан Макфи трансфери бўйича музокаралар олиб бормоқда. Лондонликлар бош мураббийи Хаби Алонсо ушбу мутахассис билан бирга ишлашни хоҳламоқда. шунингдек, «Астон Вилла» мураббийига Англиянинг бошқа клублари ва Саудия Арабистони жамоалари томонидан ҳам қизиқиш борлиги таъкидланмоқда.
Остин Макфи 2021 йилдан бери «Астон Вилла»да ишлаб келмоқда. Параллель равишда 46 ёшли мутахассис Роберто Мартинес бошчилигидаги Португалия терма жамоасида ҳам стандарт вазиятлар бўйича мураббийлик қилган.
Ўтган мавсумда «виллаликлар» стандарт вазиятлардан урилган голлар бўйича Лондоннинг «Арсенал» клуби билан биринчи ўринни бўлишиб олишди, 2023/2024 йилги мавсумда эса «Астон Вилла» ушбу кўрсаткич бўйича Европанинг топ-5 лигаларида энг яхши клубга айланган эди.
