«Манчестер Юнайтед» ҳужумчиси Жошуа Зиркзее фаолиятини «Ювентус»да давом эттириши мумкин. Бу ҳақда Sky Sport Italia хабар беради.
Таъкидланишича, туринликларнинг ҳужум чизиғини кучайтириш борасидаги асосий трансфер мақсади «Пари Сен-Жермен» форварди Рандаль Коло-Муани бўлиб турибди, аммо ҳозиргача «бьянконерилар» парижликлар билан битим қиймати бўйича келиша олмаяпти. Зиркзее эса франциялик футболчига муқобил вариант сифатида кўрилмоқда.
Зиркзеенинг Англия клуби билан амалдаги шартномаси 2029 йилнинг ёзигача мўлжалланган. Ўтган клуб мавсумида форвард барча турнирларда 26 та ўйинда майдонга тушиб, 2 та гол урди ва 1 та голли узатмага муаллифлик қилди. Transfermarkt баҳосига кўра, унинг бозор қиймати 20 миллион еврони ташкил этади.
