«Челси» ҳужум чизиғини кучайтириш учун Данни Уэлбекни трансфер қилиш вариантини кўриб чиқмоқда. Бу ҳақда The Athletic нашри саҳифаларида хабар берилган.

Қайд этилишича, «Челси» бош мураббийи Хаби Алонсо 35 ёшли Уэлбекни ҳам футболчи, ҳам етакчи сифатида юқори баҳоламоқда.

«Брайтон» клуби «Челси»нинг тажрибали Уэлбекга бўлган қизиқишидан хабардор. Барча томонлар эҳтимолий битимга оптимистик руҳда қарашмоқда. Шунга қарамай, ҳозирча вазият бошланғич босқичда турибди.

Данни Уэлбекнинг «Брайтон» билан амалдаги шартномаси 2027 йилнинг ўрталаригача мўлжалланган. АПЛнинг ўтган мавсумида Уэлбек ўз фаолиятидаги энг яхши натижани кўрсатди — 38 та ўйинда 13 та гол.

Олдинроқ Уэлбек бир қатор жамоаларда, хусусан «Манчестер Юнайтед» ва «Арсенал» клубларида тўп сурган.