«Сантос» клуби раҳбарияти Неймардан жамоа ичидаги кескинликларнинг олдини олиш учун омма олдида вазминроқ бўлишни ва ўзини ортиқча жанжаллардан йироқ тутишни сўради.
ESPN Brasil нашри берган маълумотга кўра, клуб мутасаддилари бразилиялик юлдуз майдонда жамоадошлари билан тортишишни ва ижтимоий тармоқларда танқидларга жавоб қайтаришни тўхтатиши лозим деб ҳисобламоқда.
Бироқ бу позиция футболчининг атрофидагилар орасида норозилик уйғотди. Улар клуб томонидан томонидан ҳеч қандай «ҳимоя» бўлмаётганидан ва ҳужумчи жамоада ёлғизлатиб қўйилаётганидан хафа бўлишмоқда.
Юзага келган вазият сабабли, 10-рақамли футболчи амалдаги шартномасини йил охиригача бажариши, аммо 2027 йилги мавсум учун келишувни узайтирмаслиги кутилмоқда.
