Юлдузли ҳужумчи Неймар ОАВ вакиллари билан суҳбатда Бразилия терма жамоасидаги фаолияти якунланганини маълум қилди.

«Менимча, Бразилия терма жамоасидаги тарихим ўз ниҳоясига етди. Мен унга ҳамма нарсамни, бор кучимни ва бутун ҳаётимни бағишладим, лекин энди ўйнашга хоҳишим қолмади деб ўйлайман», — 34 ёшли футболчининг сўзларини ижтимоий тармоқларда Actu Foot келтиради.

Неймар Бразилия терма жамоаси сафида 130 та ўйин ўтказган. Ҳужумчи 80 та гол урди ва 59 та голли узатмага муаллифлик қилди. У миллий терма жамоа тарихидаги энг яхши тўпурар ҳисобланади.

Бразилия терма жамоаси ЖЧ-2026 да муваффақиятсиз иштирок этди. 1/8 финалда Карло Анчелотти шогирдлари Норвегияга 1:2 ҳисобида имкониятни бой бериб қўйишди.