ФИФА президенти Жанни Инфантино Тож куни муносабати билан Марокашга амалга оширган ташрифи чоғида мамлакат ва унинг футбол мухлислари ҳақида илиқ фикрлар билдирди.
«Марокашликлар футболни жуда севадиган инсонлар. Улар миллий терма жамоасининг ҳар бир ютуғини катта қувонч ва шавқ билан нишонлайди», — деди швейцариялик функционер.
Шунингдек, Инфантино 2030 йилги жаҳон чемпионати тарихдаги энг яхши мундиал бўлишига ишонч билдирди.
«2030 йилги жаҳон чемпионати, ҳеч қандай шубҳасиз, тарихдаги энг яхши мундиал бўлади. Чунки у энг гўзал мамлакатлардан бири — Марокашда ўтказилади».
Шунингдек, у ўз сўзини:
«Яшасин Марокаш! Мени меҳмон қилганингиз учун раҳмат», — дея якунлади.
Эслатиб ўтамиз, 2030 йилги жаҳон чемпионатига Аргентина, Парагвай, Уругвай, Испания, Португалия ва Марокаш мезбонлик қилади. Турнирнинг асосий қисми Испания, Португалия ва Марокашда ўтказилади, Уругвай, Аргентина ва Парагвай эса илк жаҳон чемпионатининг 100 йиллиги муносабати билан очилиш учрашувларига мезбонлик қилади.
