Кутилмаган ҳолатлар юз бермаса, «РБ Лейпциг» вингери Ян Диоманде тез орада Мадриднинг «Реал» клубига ўтади.

Ивуариялик футболчининг трансфери юзага келган юридик муаммолар сабабли бироз кечиктирилишига тўғри келди. Журналист Аранча Родригеснинг хабар беришича, «Реал» раҳбарияти битим жорий ҳафта охиригача тўлиқ ёпилишига ишонмоқда.

19 ёшли порлоқ юлдузнинг трансфери «қаймоқранглилар»га 100 миллион евродан ортиққа тушади. Ўтган мавсумда Ян Диоманде «РБ Лейпциг» сафида 36 та ўйинда майдонга тушиб, 13 та гол урди ва 10 та голли узатмани амалга оширди.

Вундеркинд учун кечган курашда «Реал» «ПСЖ», «Ливерпуль» ва бошқа гранд клубларни ортда қолдиришга муваффақ бўлди.