Жазоир футбол федерацияси расмий сайтида мамлакат терма жамоаси бош мураббийи Владимир Петкович билан шартнома бекор қилинганини эълон қилди. У жамоани 29 ой давомида бошқариб келаётган эди.
«Федерация Владимир Петкович ва унинг мураббийлар штабига бажарган ишлари учун самимий миннатдорчилик билдиради ҳамда уларга келгуси профессионал фаолиятида муваффақиятлар тилайди», — дейилади пресс-релизда.
62 ёшли швейцариялик мутахассис Жазоир терма жамоасида 2024 йилнинг февраль ойидан бери ишлаб келаётган эди. Унинг бошчилигида жамоа 33 та ўйин ўтказди: 23 та ғалаба, 5 та дуранг ва 5 та мағлубият.
ЖЧ-2026 да жазоирликлар гуруҳ босқичида 4 очко тўплаб, плей-оффга йўл олишди ва биринчи босқичда Швейцарияга имкониятни бой беришди (0:2).
