Jazoir futbol federasiyasi rasmiy saytida mamlakat terma jamoasi bosh murabbiyi Vladimir Petkovich bilan shartnoma bekor qilinganini e’lon qildi. U jamoani 29 oy davomida boshqarib kelayotgan edi.
«Federasiya Vladimir Petkovich va uning murabbiylar shtabiga bajargan ishlari uchun samimiy minnatdorchilik bildiradi hamda ularga kelgusi professional faoliyatida muvaffaqiyatlar tilaydi», — deyiladi press-relizda.
62 yoshli shveysariyalik mutaxassis Jazoir terma jamoasida 2024 yilning fevral oyidan beri ishlab kelayotgan edi. Uning boshchiligida jamoa 33 ta o‘yin o‘tkazdi: 23 ta g‘alaba, 5 ta durang va 5 ta mag‘lubiyat.
JCH-2026 da jazoirliklar guruh bosqichida 4 ochko to‘plab, pley-offga yo‘l olishdi va birinchi bosqichda Shveysariyaga imkoniyatni boy berishdi (0:2).
