«Коло-Коло» Кабо-Верде терма жамоаси дарвозабони Возиньянинг ЖЧ-2026даги ёрқин ўйинларидан сўнг уни ўз сафига қўшиб олганини расман эълон қилди.
40 ёшли дарвозабон Чили клуби билан яна бир йилга узайтириш имконияти билан олти ойлик шартнома имзолади. Тиббий кўрикдан ўтгач, у 29-рақамни қабул қилиб олди.
Возинья Кабо-Верде терма жамоасидаги, айниқса Испанияга қарши ўйиндаги (дуранг) ажойиб ҳаракатлари эвазига ЖЧнинг энг асосий воқеаларидан бирига айланди. Унинг ўйинлари ижтимоий тармоқларда ҳам машҳурлиги кескин ошишига олиб келди — ҳозирда унинг Instagram'даги кузатувчилари сони қарийб 30 миллионга етди.
«Коло-Коло» чоршанба куни «Эстадио монументаль» стадионида ўтказиладиган дарвозабоннинг расмий тақдимотига 40 мингдан ортиқ мухлис ташриф буюришини кутмоқда. Шунингдек, Сантьягога етиб келганида Возиньяни 1 000 га яқин мухлис кутиб олди.
