UFC’нинг ўрта ва ярим оғир вазн тоифаларидаги собиқ чемпиони, бразилиялик Алекс Перейра хайрия кечасида ўз ватандоши, «Сантос» футбол клуби ҳужумчиси Неймар билан учрашди.

Перейранинг профессионал ҳисобида 13 та ғалаба (шулардан 11 таси нокаут билан) ва тўртта мағлубият бор. Алекс аралаш яккакурашлардаги (MMA) профессионал дебютини 2015 йилда ўтказган. шунингдек, Поатан бразилиялик джиу-джитсу ва кикбоксинг бўйича қора белбоғ эгаси ҳисобланади.

Неймар 2025 йилда қадрдон «Сантос» клубига қайтди, унинг шартномаси жорий йилнинг декабрь ойи охиригача амал қилади. 2026 йилда ҳужумчи жамоа таркибида 16 та ўйинда майдонга тушиб, саккизта гол урди. Неймар «Сантос»дан ташқари «Барселона», «ПСЖ» ва «Ал-Ҳилол» клубларида ҳам тўп суришга улгурган.

Бундан ташқари, Неймар Бразилия терма жамоаси тарихидаги энг яхши тўпурар ҳисобланади. У миллий терма жамоа сафида 130 та ўйинда 80 та гол урган.