«Эльче» «Атлетико» ярим ҳимоячиси Хавьер Морсильо трансферини эълон қилди.

Ла Лига клуби 20 ёшли испаниялик футболчи билан 2030 йилнинг июнига қадар мўлжалланган ва яна бир мавсумга узайтириш имконияти бўлган шартнома имзолади.

Marca хабарига кўра, «Эльче» Морсильо трансфер ҳуқуқларининг ярмини 1,5 миллион еврога сотиб олди. Футболчига, шунингдек, «Леванте», «Андерлехт» ва Португалиянинг «Фамаликан» клублари ҳам қизиқиш билдирган эди.

Ўтган мавсумда ярим ҳимоячи «Атлетико»нинг асосий таркибида Ла Лигада 5 та ўйинда майдонга тушган, «Атлетико Б» сафида эса 3-дивизионда 14 та учрашув ўтказган.