«Elche» «Atletiko» yarim himoyachisi Xavyer Morsilyo transferini e’lon qildi.

La Liga klubi 20 yoshli ispaniyalik futbolchi bilan 2030 yilning iyuniga qadar mo‘ljallangan va yana bir mavsumga uzaytirish imkoniyati bo‘lgan shartnoma imzoladi.

Marca xabariga ko‘ra, «Elche» Morsilyo transfer huquqlarining yarmini 1,5 million yevroga sotib oldi. Futbolchiga, shuningdek, «Levante», «Anderlext» va Portugaliyaning «Famalikan» klublari ham qiziqish bildirgan edi.

O‘tgan mavsumda yarim himoyachi «Atletiko»ning asosiy tarkibida La Ligada 5 ta o‘yinda maydonga tushgan, «Atletiko B» safida esa 3-divizionda 14 ta uchrashuv o‘tkazgan.