"Манчестер Сити" бош мураббийи Энцо Мареска Осиё сафари доирасида "Атлетико Мадрид" устидан 3:1 ҳисобида ғалаба қозонган ўйинда жамоанинг ўйинини баҳолади.
"Умуман олганда, бу Европанинг энг яхши жамоаларидан бирига қарши жуда яхши синов бўлди. Мен футболчиларга қилган ишлари учун миннатдорчилик билдирмоқчиман", - деди клуб сайтига берган интервьюсида.
Менимча, қанот ҳимоячиларимиз яхши ўйнай олишади, лекин энг муҳими, улар қандай якунлашлари. Бизга, айниқса, яккама-якка вазиятларда ўйин ярата оладиган қанот ҳимоячиси керак.
Биз тўртта ёки бешта имконият яратдик, аммо гол ура олмадик. Шунча имконият яратиб, голлар билан якунламаслик мумкин эмас. Биз янада хотиржам бўлишимиз керак - бу биз яхшилашимиз керак бўлган нарса" - деди Мареска.
Мареска шунингдек, янги мураббий қўл остидаги дастлабки бир нечта ўйинлардан сўнг жамоанинг унинг талабларига қандай мослашаётганидан мамнун эди.
"Мен жуда мамнунман, айниқса футболчилар бошиданоқ янги ғояларга қанчалик очиқ бўлганидан. Улар нима учун биз баъзи нарсаларни қилаётганимизни тушунишни хоҳлашади. Янги клубга келганингизда, сиз янги тамойиллар ва ғояларни амалга оширишга ҳаракат қиласиз. Энг муҳими, биз яхшиланмоқдамиз. Ҳали узоқ йўл бор, лекин мен жамоа машғулотларда биз улардан сўраган нарсани бажаришга ҳаракат қилаётганини ва аста-секин яхшиланаётганини кўрмоқдаман" - дея қўшимча Мареска.
16 август куни "Манчестер Сити" Англия Суперкубогида мусобақасида "Арсенал" билан тўқнаш келади.
