«Барселона» вингери Руни Барджи муваффақиятли операция қилинди. 20 ёшли футболчи тиззанинг олд хочсимон боғлами узилиши сабаб жарроҳлик амалиётини ўташга мажбур бўлди.
Операция Барселонадаги шифохоналардан бирида клуб тиббий хизмати назорати остида ўтказилди. Бу ҳақда каталонияликлар расмий сайти хабар берди.
«Барселона» ҳозирча Барджининг тикланиш муддати бўйича аниқ маълумот бермаган. Бироқ футболчининг узоқ вақт майдонга туша олмаслиги аниқ.
Аввалроқ матбуотда Руни Бардгжи тахминан 6-7 ойдан сўнг сафга қайтиши мумкинлиги ҳақида хабарлар тарқалган эди. Шу билан бирга, олд хочсимон боғлам жароҳатидан кейинги тикланиш жараёни айрим ҳолатларда бундан ҳам узоқроқ давом этиши мумкин.
