Ирландия футбол ассоциацияси (FAI) Жанни Инфантинонинг ФИФА президентлигига қайта сайланишини қўллаб-қувватлашдан бош тортди.
«Сўнгги воқеалар бошқарув, шаффофлик ва мазмунли маслаҳатлашувларнинг йўқлиги бўйича жиддий хавотирларни келтириб чиқарди», — дейилади FAI хабарида.
Аввалроқ ФИФАнинг Жаҳон чемпионати ҳуқуқларини хусусий инвесторларга сотиш бўйича янги тижорат тузилмаси — FIFA Forward Enterprise (FFE) ташкил этиш режалари ҳақида маълум бўлган эди. Салоҳиятли равишда, Инфантино футбол конфедерациялари томонидан ёғилган танқидлар ҳамда УЕФАга аъзо мамлакатлар томонидан ЖЧга бойкот эълон қилиш таҳдиди фонида бу ғоядан воз кечишга қарор қилди. Бунинг ортидан бир қатор футбол ассоциациялари 2027 йилнинг март ойида бўлиб ўтиши режалаштирилган навбатдаги сайловларда ФИФАнинг амалдаги президентини қўллаб-қувватлаш қарорини қайтариб олишга қарор қилишди.
