Керим Алайбегович бошқа топ-клубларнинг қизиқишига қарамай, нима учун «Ювентус»ни танлаганини тушунтириб берди. Босния ва Герцеговина терма жамоасининг 18 ёшли ҳужумчиси Турин клубига 30+6 миллион евро эвазига кўчиб ўтган эди.

«Қачонки сизни «Ювентус» таклиф қилар экан, «йўқ» дейиш жуда қийин. Бу дунёнинг энг буюк клубларидан бири ва мен ушбу либосни кийиб юрганимдан жуда фахрланаман. Клубнинг менга бўлган ишончи ҳам жуда муҳим.

— Қарорингизда Миралем Пьянич қандай роль ўйнади?

— Ҳа, у, шубҳасиз, менинг танловимда муҳим роль ўйнади, чунки Пьянич «Ювентус» футболчиси бўлган. У буюк ўйинчи эди ва ушбу клубга жуда катта таъсир кўрсатган. Шунингдек, у отамга жуда кўп ёрдам берди, у ва клуб билан алоқада бўлиб турди. Якунда ҳаммаси биз хоҳлагандек бўлди ва биз бахтиёрмиз», — деди Алайбегович.