«Манчестер Юнайтед»нинг афсонавий собиқ ярим ҳимоячиси Пол Скоулз «Арсенал»нинг 19 ёшли чап қанот ва марказий ярим ҳимоячиси Майлз Льюис-Скеллининг эҳтимолий трансфери ҳақида ўз фикрлари билан ўртоқлашди.
«Марказий ярим ҳимояда мен Субимендидан кўра Льюис-Скеллини афзал кўрган бўлардим. Менимча, Субименди ўтган мавсумда пасайишга учради. Агар жамоадан кимдир кетиши керак бўлса, бу айнан удир.
Бу ҳолат менга Дэнни Уэлбекнинг «Манчестер Юнайтед»дан кетишини эслатмоқда. Менга бу қарор ёқмаганди, жуда ёмон кўрганман. Дэнни Льюис-Скеллидан сал каттароқ эди, аммо ўз тарбияланувчиларингни йўқотганингда, бу жуда аламли бўлади», — деди Скоулз.
Эслатиб ўтамиз, аввалроқ «Арсенал» ўз тарбияланувчисини 45 миллион фунтга баҳолагани, аммо «Манчестер Юнайтед» ва «Челси» уни бу нархга сотиб олишдан бош тортгани ҳақида хабар берилган эди.
