Миланнинг "Интер" клуби марказий ҳимоячиси Жон Стоунс Мануэль Аканджи билан қайта бирлашгани ҳақида фикр билдирди. Англиялик ва швейцариялик футболчилар аввалроқ "Манчестер Сити"да бирга тўп суришган.
— Аканжи — жуда ажойиб инсон, камтар ва самимий, майдонда ҳам ўзини худди шундай кўрсатади. У жаҳон даражасидаги ўйинчи. "Манчестер Сити"да уч йил давомида у билан бир кийиниш хонасини баҳам кўрганимдан бахтиёрман ва энди "Интер"да ҳам бирга ўйнашимиздан хурсандман, — деди Стоунс журналист Даниэле Марига.
Мануэль Аканжи ўтган йилнинг ёзида "нерадзурри" сафига келиб қўшилган эди, мавсум якунига етгач эса "шаҳарликлар"дан тўлиқ сотиб олинди. Жон Стоунс эса шу ёзда эркин агент мақомида худди шу йўналишда кўчиб ўтди.
