"Милан" хавбеки Рубен Лофтус-Чик клуб билан янги шартнома тузиши мумкин.
Англиялик футболчининг амалдаги шартномаси кейинги йилнинг ёзида ниҳоясига етади, аммо "россонери" ҳамкорликни давом эттиришдан умидвор. Инсайдер Николо Скиранинг маълумотига кўра, "Милан" 30 ёшли футболчи билан меҳнат шартномасини узайтириш бўйича музокараларни бошлаган.
Рубен Лофтус-Чик 2023 йилда ўзининг қадрдон клуби "Челси"дан Италия гранди сафига кўчиб ўтган эди. Ярим ҳимоячи Милан клуби сафида барча турнирларда жами 100 та ўйин ўтказиб, 13 та гол урди ва 4 та голли узатмага муаллифлик қилди.
