Лондоннинг "Арсенал" клуби бош мураббийи Микель Артета Англия Суперкубоги доирасидаги "Манчестер Сити"га қарши ўйин олдидан журналистлар билан суҳбатлашди.

— Ҳар бир клубнинг ўз устун жиҳатлари бор. Баъзиларда бу сўнгги йиллардаги ғалабалар тажрибаси, бошқаларда кучли таркиб, яна бошқаларда эса таркибни кучайтиришга киритилган сармоялардир. Биз ўз устун томонларимизни биламиз — бу сўнгги тўрт-беш йилдаги изчилликдир. Шу билан бирга, бундан ҳам яхшироқ бўла олишимизни англаб турибмиз. Сиз буни барқарорлик деб атайсиз, аммо мен шунчаки барқарорликни хоҳламайман — мен ривожланишни ва амбицияли бўлишни хоҳлайман. Бизга айнан шу керак, — деди Артета журналист Коннор Ҳамм билан суҳбатда.

Ўтган мавсумда "тўпчилар" сўнгги 22 йил ичида илк бор Премьер-лигада зафар қучишган эди.